MANILA — Isang kontrobersyal na pahayag ang inilabas ng political vlogger na si Master Judea nitong Oktubre 2, 2025, kasunod ng patuloy na pagbabago ng liderato sa Kongreso at sa Gabinete.

Sa kanyang vlog, binigyang-diin ni Judea na tila walang epekto ang paulit-ulit na pagpapalit ng Senate President, House Speaker, at mga opisyal ng Gabinete dahil nananatili pa rin umano ang parehong mga problema sa bansa.

“Palit tayo ng palit ng Senate President, House Speaker at Gabinete, wala naman nangyayari. Paano kaya kung Presidente palitan natin?” ani Judea, na agad nagdulot ng matinding reaksyon mula sa kanyang mga tagapanood.

Bunsod ng kanyang pahayag, umani ito ng samu’t saring komento mula sa netizens. May ilan ang sumang-ayon sa kanya, naniniwalang kinakailangan ng mas malalim na pagbabago sa pamahalaan upang makita ang tunay na pag-unlad. Ngunit marami rin ang bumatikos, sinasabing isang radikal at delikadong ideya ang pagbibitiw ng ganitong mungkahi lalo na’t nakaugat ito sa konstitusyonal na proseso.

Para kay Master Judea, ang kanyang punto ay hindi simpleng panawagan kundi isang hamon sa mamamayan na suriin kung saan ba talaga nagsisimula ang pagkukulang — sa mga nagpapalit-palit na lider sa Kongreso, o sa pinakamataas na puwesto sa gobyerno. (Larawan: Facebook)